მინის ჭადრაკის შეკვეთა ჩემთვის ერთ–ერთი განსაკუთრებული იყო, რადგან ჩემი ცხოვრების 8 წელი ჭადრაკს ჰქონდა დათმობილი.

ბევრჯერ ვიფიქრე მის შექმნაზე თუმცა გადაწყბვეტილების მიღება გამიჭირდა, რადგან ვიცოდი რომ დიდ დროით და შემოქმედებით რესურსს მოითხოვდა. მაგრამ “თუ მუჰამედი არ მიდის მთასთან, მთა მიდის მუჰამედთან” და ერთ მოსიყვარულე ენთუზიასტ ადამიანს მოჭადრაკე მეუღლისათვის განსაკუთრებული საჩუქრის გაკეთება მოუნდა. მე კი ამით შანსი მომეცა მრავალი წლის გადადებულ საქმეზე მემუშავა.

როგორც ხელოვანს ყოველთვის მომწონდა დეკორატიული ჭადრაკი, სადაც ყველა ფიგურა ხელოვნების ნიმუში იყო, დიდხანს ვაკვირდებოდი მათ მუზეუმებსა და ინტერნეტში, თუმცა როგორც მოჭადრაკე ვერასდროს ვთამაშობდი ასეთი ფიგურებით. ყოველთვის ყურადღებას მიფანტავდა და მხოლოდ კლასიკურ დაფასთან ვგრძნობდი კომფორტულად თავს.

დიზაინის შერჩევისას ზუსტად ეს იყო ჩემთვის მნიშვნელოვანი, რომ ფიგურები ყოფილიყო მარტივად ცნობადი და კომფორტული სათამაშოდ, რასაკვირველია მინის მხატვრული ღირებულების შენარჩუნებით, მითუმეტეს რომ მომავალი პატრონი მოჭადრაკეა და ზუსტად ვიცოდი რომ იგი მის არამხოლოდ დეკორატიულად არამედ ფუნქციურად გამოყენებასაც აპირებდა.

საბოლოოდ შევარჩიეთ ასეთი მშვიდი, პასტელური პალიტრა.

დაფის ზომა: 40*40 სმ
დაფა შედგება 4 ნაწილისაგან
ყუთის ზომა: 43,5*23*12,5 სმ
ყველაზე მაღალი ფიგურის სიმაღლე: 8 სმ, სიგანე 3,3 სმ
სრული კომპლექტის წონა დაახლოებით 7 კილო.

გვინდა გაგიზიაროთ კიდევ ერთი კორპორატიული შეკვეტის შესრულების პროცესი. კერძოდ კი ჩვენი ფერადი, საახალწლო სახლების შექმნის პროცესი…

აღსანიშნავია, რომ თითო სახლი 9 დეტალისგან შედგება, ყველა მათგანი გამოჭრილი, დამუშავებული და აწყობილია ხელით, რაც ყველა ნაკეთობას უნიკალურს ხდის.

დეტალები იწვება ღუმელში 750-850 გრადუსზე, შემდგომ კვლავ ხელით მუშავდება და სახლი საბოლოო სახეს იღებს.

გვინდა განსაკუთრებული მადლობა გადავუხადოთ კომპანია “დენტონს” ჩვენი სახლების შერჩევისთვის და ქართული სტარტაპების მხარდაჭერისთვის.